کمرہ کیوں چمک رہا تھا؟

حضرت دائی حلیمہ سعدیہ رضی اللہ عنہا فرماتی ہیں کہ جب میں مکہ معظمہ میں حضرت سیدہ آمنہ سلام اللہ علیہا کے گھر پہنچی اور پہلی نظر حضور نبی کریم صلی اللہ علیہ وآلہ واصحابہ وسلم کو دیکھا جس کمرہ میں حضور نبی کریم صلی اللہ علیہ وآلہ واصحابہ وسلم تشریف فرما تھے وہ کمرہ سارا چمک رہا تھا میں نے حضرت سیدہ آمنہ سلام اللہ علیہاسے پوچھا کیا آپ سلام اللہ علیہا نے اس کمرہ میں بہت سے چراغ جلا رکھے ہیں؟ تو حضرت سیدہ آمنہ سلام اللہ علیہا نے جواب دیا نہیں بلکہ یہ ساری روشنی میرے لخت جگر پیارے بیٹے محمد صلی اللہ علیہ وآلہ واصحابہ وسلم کے چہرے مبارک کی ہے حضرت دائی حلیمہ سعدیہ رضی اللہ عنہا فرماتی ہیں میں اندر گئی تو حضور نبی کریم صلی اللہ علیہ وآلہ واصحابہ وسلم کو دیکھا کہ آپ صلی اللہ علیہ وآلہ واصحابہ وسلم سیدھے لیٹے ہوۓ سو رہے ہیں اور اپنی مبارک ننھی انگلیاں چوس رہے ہیں میں نے آپ صلی اللہ علیہ وآلہ واصحابہ وسلم کا حسن جمال دیکھا تو فریفتہ ہو گئی اور حضور نبی کریم صلی اللہ علیہ وآلہ واصحابہ وسلم کی محبت میرے بال بال میں رچ گئی پھر میں حضور نبی کریم صلی اللہ علیہ وآلہ واصحابہ وسلم کے سر انور مبارک کے پاس بیٹھ گئی اور حضور نبی کریم صلی اللہ علیہ وآلہ واصحابہ وسلم کو اٹھا کر اپنے سینے سے لگانے کے لیے ہاتھ بڑھایا تو حضور نبی کریم صلی اللہ علیہ وآلہ واصحابہ وسلم نے اپنی چشمان مبارک کھول دیں اور مجھے دیکھ کر مسکرانے لگے میں نے دیکھا کہ اس نور بھرے منہ سے ایک ایسا نور نکلا جو آسمان تک پہنچ گیا پھر میں نے حضور نبی کریم صلی اللہ علیہ وآلہ واصحابہ وسلم کو اٹھا کر بہت پیار کیا پھر حضور نبی کریم صلی اللہ علیہ وآلہ واصحابہ وسلم کو لے کر واپس چلنے لگی تو حضرت عبدالمطلب رضی اللہ عنہ نے زاد راہ کے لیے کچھ دینا چاہا تو میں نے کہا حضور نبی کریم صلی اللہ علیہ وآلہ واصحابہ وسلم کو پا لینے کے بعد اب مجھے کسی چیز کی ضرورت نہیں حضرت حلیمہ سعدیہ رضی اللہ عنہا فرماتی ہیں جب میں اس نعمت عظمٰی کو گود میں لے کر باہر نکلی تو مجھے ہر چیز سے مبارک باد کی آوازیں آنے لگیں کہ اے حلیمہ رضی للہ عنہا رضاعت محمد صلی اللہ علیہ وآلہ واصحابہ وسلم کی تجھے مبارک ہو پھر جب میں اپنی سواری پر بیٹھی تو میری کمزور سواری میں بجلی جیسی طاقت پیدا ہو گئی کہ وہ بڑی بڑی توانا اونٹنیوں کو پیچھے چھوڑنے لگی سب حیران رہ گئے کہ حلیمہ سعدیہ رضی اللہ عنہا کی سواری میں یک دم یہ طاقت کیسے آ گئی؟ تو سواری خود بولی میری پشت پر اولین و آخرین کے سردار محمد مصطفیٰ صلی اللہ علیہ وآلہ واصحابہ وسلم سوار ہیں ان صلی اللہ علیہ وآلہ واصحابہ وسلم کی برکت سے میری کمزوری جاتی رہی اور میرا حال اچھا ہو گیا